Laudion, 2025eko urtarrilaren 22an. – Laudioko EAJ-PNVk kezkagarritzat jo du Guardian Glassek udalerrian duen lantegia ixteko erabakia, kolpe latza baita tokiko ekonomiarentzat eta kaltetutako langileen familientzat, eta babes eta elkartasun osoa helarazi die.

EAJ-PNVk berretsi egiten du inplikatutako alderdi guztiekin batera lan egiteko prest dagoela sendoa eta bideragarria izango den enpresa-proiektu berri baten bilaketan, eskualdeko enplegua eta garapen ekonomikoa bermatuz.

Erabaki horren eragina minimizatzeko eta Laudio eta bere bizilagunentzat etorkizun itxaropentsua bermatzeko ekimenak bultzatuko ditu alderdi jeltzaleak.