Izaskun Bilbaok I. Osoigo Forumean parte hartu zuen atzo. Bertan bost buruzagi politiko hiritarrek planteatutako gaien inguruan mintzatu ziren.

Donostian egin zen atzo I. Osoigo Foruma. Izaskun Bilbao Barandikak (EAJ-PNV), Rafa Larreinak (Amaiur), Odón Elorzak (PSE), Laura Garridok (PP) eta Gorka Maneirok (UPyD) parte hartu zuten eta nahitasun politikorik ezaz eta demokraziaren egungo egoeraz mintzatu ziren. Ander Arzak kazetariak zuzendutako hitzorduan, Izaskun Bilbaok argi utzi nahi izan zuen Europako instituzioetatin egiten den lanaren zati handi bat ez dela hedabideen bidez islatzen. “EAJ-PNVk Bruselan aurkeztutako 1.000 ekimen baino gehiago ez dira hedabideetan ikusten”. 

Osoigo web orrialdeak galderak dituzten hiritarrak erantzunak emateko konpromisoa hartzen duten politikariekin konektatzen ditu. Antolatu duen lehen forum honetan, bost ordezkariek hiritarrekin harremana izateak dakarren onura goretsi zuten.