Zentzu honetan gogoratu behar da Errioxako Alderdi Popularra dela opor fiskalen inguruan sortu zen arazoen sortzaileetako bat, eta gogor kritikatu dituela euskal eta arabar erakundeek, beren eskumenez baliatuta, jarduera ekonomikoa sortzeko eta bultzatzeko hartu dituzten neurriak.

“Errioxako Alderdi Popularrak Logroñoko Udalaren bidez egin nahi duena da zuzenean Araba kaltetzea, ezin baita bestela ulertu, aurkezpenean enpresei eskaintzen dizkien baldintzak Arabakoak baino hobeak direla azpimarratzea" azaldu du Ramiro González, EAJ-PNVren Batzarkide Taldearen bozeramaileak.