Izaskun Bilbaok sutsuki azpimarratu du “gure gobernuak ekonomia produktiboari laguntza ematen” diola. “Direnak eta ez direnak egin ditu Alderdiak Bruselan, sektorearekin bat eginda, taxlease-ari lotutako argi-ilunak konpontzeko. Hori da talde-lanean egiteko modua. Hori da lan eraginkorra. Hori da krisiari aurre egiteko sendagairik egokiena”.

Europar Legebiltzarrerako Eusko Alderdi Jeltzalearen hautagaiak berak nahi duen Europaren deskribapena egin nahi du: “Europa ekintzailea nahi dugu, pertsonak erreskatatuko dituen Europa bat. Zorrotza, espekulazio eta ustelkeriaren aurrean; gure ekonomia eta gure gizarte eredua babestuko dituena; pertsonak oinarri izango dituena, gizon eta emakumeen ezagutzan errotuta; langabezia ekonomia errealaren bidez borrokatuko duena. Langabeziaren kontrako borroka horretan ere, politika aktiboak martxan jarriko dituen Europa nahi dugu, gu guztion talentua berreskuratzeko lana egingo duena, emakume eta gizonena”.

Hitzaldi osoa