LAUDIO

Prentsa Aretoa

2017/07/05

Aldundiak, ikasleek euren ikastetxeetarako joan etorriek eragindako gastuak arintzen laguntzeko diru laguntzak eskatzeko epea ireki du

• Interesatuek, deialdi honetan exijitzen diren agiriekin batera aurkeztu beharreko eredua, www.araba.eus edo www.cuadrilla.dinapyme.net web orrietan eskura ditzakete.

rss Ezagutzera eman
Aldundiak, ikasleek euren ikastetxeetarako joan etorriek eragindako gastuak arintzen laguntzeko diru laguntzak eskatzeko epea ireki du

ARGAZKIA JAITSI

Aiaran, 2017ko uztailaren 5ean. 20.000 biztanle edo gutxiago dituzten herrietako gazteak bizilekuz aldatu beharra saihestu eta batxilergoko edo erdi edo goi mailako heziketa zikloak eskaintzen diren ikastetxeetara joan etorriak egiteagatiko gastuen zati bat ordaintze aldera, Arabako Foru Aldundiak diru laguntzen deialdi berri bat ireki du.

 

Eskatzaileek honako baldintza hauek bete beharko dituzte:

 

-Eskaera egiten den urtean, 25 urte edo gutxiago izatea

-Herrialdeko 20.00 biztanle baino gutxiagoko udalerritan erroldatuta egotea

Ikastetxea Araban kokatuta egoon beharko da eta ikaslearen ohiko bizilekuaren eta ikastetxearen arteko gehieneko distantzia 65 kilometrokoa izan beharko da.

-Joan etorriak egiteko garraioa, publikoa edo itunpeko garraio kolektiboa izan beharko da

Interesa duten pertsonek datorren uztailaren 7tik aurrera euren eskaerak aurkezten has daitezke eta 15 egun (baliodunak) izango dituzte horretarako. Arabako Foru Aldundiaren web guneak, www.araba.eus eta arabar Kuadrilletako web orriek ere (gure kasuan Aiarakoa www.cuadrilla.dinapyme.net ) eskuragarri izango dute sail batean, interesatuek bete beharreko orria eta horrekin batera aurkeztu beharreko agiri guztien zerrenda. Agiri eta eskaera orria Arabako aldundiaren Erregistro Nagusian edo Kuadrillen egoitzetan aurkeztu beharko dira.